| As I was walking, oh a' my lane |
| I spied twa corbies, they were makin' mane |
| And een ontae the other did say, oh |
| "For will will we gang? Will we dine the day, oh? |
| For will we gang? Will we dine the day?" |
| It's in ahind o' yon oul fail dyke |
| I wot there lies, oh a new-slain knight |
| Naebody kens that he lies there, oh |
| But his hawk, his hound and his lady fair, oh |
| His hawk, his hound and his lady fair |
| His hawk is tae the hunting gane |
| His hound, to bring a' the wild fowl hame |
| His lady's ta'en another mate, oh |
| So we can mak' our dinner sweet, oh |
| So we can mak' our dinner sweet |
| It's you'll sit on his white horse bane |
| And I'll pick out his bonny blue e'en |
| Wi' a lock o' his gowden hair, oh |
| We'll thak our nest fan it grows bare, oh |
| We'll thak our nest oh fan it grows bare |
| There's mony's an ane now for him maks mane |
| But naebody kens oh for he has gane |
| O'er his bare bones as they lie bare, oh |
| The wind will blow aye forever mare, oh |
| The wind will blow aye forever mare! |